Monday, December 5, 2011

The Change

She started packing her bags. Even as she went around collecting her books that lay scattered across the floor, she caught a glimpse of her bleeding lips and a swollen eye, reflected on the glass cabinet. Grabbing her bags, she walked over to Vishal's room. A sickly sweet aura of mingled tobacco and alcohol assaulted her senses. She stared at her drunken abuser for several minutes. Or hours. Or seconds.

"Good bye Vishal, I'm leaving”, she spoke, addressing the sprawled semi conscious mass on the floor. And without a second glance, Malar walked out.

Madhavi was frying fish as Malar entered the kitchen saying, "Wow! Fish fry? Good for me!”
Madhavi grinned at her.” You think it has been done well? Guess what, Malar akka? I'm doing it for the first time. I’ve never cooked a fish before."

Malar reached over and pecked a large chunk of fish from the stone frying pan. “Hmm...Delicious..." she said, through a mouth laden with the spicy delight. ” ..Mm... Remarkable for a first attempt! "

Madhavi blushed.” Come on Malar Akka, you are just kidding...” she said. Malar knew her enough to see that it was Madhavi's way of acknowledging a compliment. She continued munching away some more fish in silence.


They had chosen the village as their impenetrable refuge- Malar from her broken marriage and Madhavi from the war. Each of them meant the world to the other, a mother, sister, daughter and all.

It was at the Mandapam refugees’ camp that Malar had first met Madhavi. The nine year old skinny girl in a tattered Paavadai-Chattai was sitting with a resolute uprightness, with her dead grandfather’s head on her lap. “He is just sleeping out of exhaustion",she repeated stubbornly, "he was wide awake all night wondering who was going to water the trees and feed the goats…"

She would not let them take him away from her. She could not lose him. Not after the war had taken away her parents, her little brother and Valli Chithi. And suddenly she knew that it was she who was lost.


It was six months since Malar had reached the coastal village and joined the NGO that operated to serve the basic needs of the refugees. She had seen dying men and desolate, desperate women but nothing had shaken her as much as the little girl who would not let go of her dead grandfather. She turned on the TV. A prominent political leader was reciting, “If only you would promise your vote to my party, I would save my kin and kith dying out there in the war, across the sea…if only you would pledge your vote…”
She turned off the TV, shaking with rage. She knew she had to do something. She walked over to her wooden book case and took out her father’s diary. She opened it up and the scrawled words on the first page read, “Be the change you want to see.”

40 days later, all formalities were complied with and Madhavi was legally adopted by Malar.


“Yumm…wish you had cooked more of them… yummy fish, you know”, said Malar as she walked hand in hand with Madhavi on the sea shore. Madhavi looked up at the guardian angel walking by her side and offered a silent prayer of gratitude. She knew she was not lost anymore as she continued to look up at the sky merging with the sea in an seamless blend of freedom, hope and peace.


வைகாசி மாத மாலைத் தென்றல் மயிலிறகாய் வருடியது. அன்று சஷ்டி ஆதலால் கணபதி காலனியின் பிரசித்தி பெற்ற பாலசுப்பிரமணியசுவாமி திருக்கோயிலில் வேலவனுக்கு சர்வாலங்காரத்துடன் ஆரத்தி சேவையும் பூஜையும் 'ஜே ஜே' என நடந்து கொண்டிருந்தது. அரச மரக் காற்றும் ஆலயமணி ஓசையுமாய் மனம் ஒருவகை அமைதியோடு லயித்திருக்க, சிற்ப மண்டபத்து தூணொன்றில் கண் மூடி ரசனையில்ஆழ்ந்திருந்த
சிவகாமியை "என்ன மாமி, மௌன சாதகமா?" என்ற குரல் எழுப்பியது.

சாய்ந்திருந்த தூணிலிருந்து சற்றே அகன்று நிமிர்ந்து உட்கார்ந்து கொண்டாள் சிவகாமி. அழைத்தது சாக்ஷாத் அலமேலுவே தான். கணபதி காலனியின் பிரத்யேக ரேடியோ சர்வீஸ்; அலமு காதிற்கு போகாமல் எந்த நடப்பு நிகழ்வும் காலனிக்குள் நுழைவதும் இல்லை, தாண்டுவதுமில்லை. 

"என்ன அலமு, புதுப் புடவையா? ரொம்ப நல்லா இருக்கே..வா இப்படி. சுவாமி தரிசனம் முடிஞ்சதா?" என்று கேட்டுக் கொண்டே அவளுக்கு இடம் செய்து கொடுத்து தள்ளி அமர்ந்து கொண்டாள் சிவகாமி. 

"ஹூம்ம்ம்..." என்று பீடிகையுடன் அலமு ஆரம்பிக்கும் பொழுதே சாவித்திரியும் பத்மாவும் "தரிசனம் ஆச்சா?" என்று வினவியபடியே இவர்களோடு அமர்ந்து கொண்டார்கள்.

கூட்டம் சேர்ந்து போனது அலமுவிற்கு தோதாக போகவே கதாகலாக்ஷேபம் செய்ய போகும் தோரணையோடு பேச்சை துவங்கினாள். 

"ஆமாம் மாமி, புதுப் புடவை தான். நாத்தனார் எடுத்து கொடுத்தது. பதிலுக்கு நேத்து இவரை அழைச்சுட்டுப் போய் நாலு கிராமுக்கு அவ குழந்தைக்கு கோல்ட் ப்ரேஸ்லெட் வாங்கிட்டு சமன் செஞ்சுட்டா மகராசி. அது கிடக்கட்டும், ஒரு புது அப்டேட் நம்ம காலனி காத்துல அடிபடறதே, கேட்டீங்களா?" என்றாள்.

"உனக்கு தெரியாததா எங்களுக்கு தெரிஞ்சுட போகுது? அதையும் நீயே சொல்லேன்" என்றாள் பத்மா.

"ஆமாமா. நானே சொன்னால் தான் எனக்கும் ஒரு திருப்தி இருக்கும். எதுவும் மிஸ் ஆகிட கூடாது பாருங்கோ.
நம்ம காலனில சகுந்தலா அபார்ட்மென்ட்ஸ் வசந்தா மாமி தெரியுமில்லையா? அதே அபார்ட்மென்ட்ல அவங்களுக்கு இன்னொரு வீடு இருக்கறதும் அதை அவங்க வாடகைக்கு விட்டிருப்பதும் தெரியும் தானே? அந்த வீட்டில் குடியிருக்கும் மைதிலி தான் கதையின் நாயகி..." என்று இழுத்தாள் அலமு.

"யார், இப்போ மஞ்சள் சுடிதாரில் மாமியாரோட கைய பிடிச்சு அழைச்சிட்டு போனாளே, கோயில் வாசல் கிட்ட ஒரு சின்ன பொண்ணு, அவள் தானே? ரொம்ப சாந்தமான முகம். வயிறு லேசா மேடிட்டு இருந்ததே...ஐ தின்க் ஷி இஸ் இன் தி பேமிலி வே." என்றாள் சாவித்திரி.

"உங்களுக்கு நூறு மார்க் சாவித்திரி மாமி. அவளே தான். இன்னொரு நூறு மார்க்; யூ ஆர் கரெக்ட், ஷி இஸ் இன் தி பேமிலி வே. அங்கே தான் ட்விஸ்ட்!

மைதிலி வீட்டில் அவளும் அவளோட மாமியாரும் மட்டும் தான் இப்போ இருக்காங்க என்பதும், அவளோட ஹஸ்பண்ட் வாசு துபாயில் ஒரு கான்ட்ராக்ட் வேலையில் இருக்கிறார் என்பதும் தெரிந்த விஷயம்.

தெரியாத செய்தி என்னன்னா வாசு துபாய்க்கு போய் அஞ்சு மாசம் ஆகிறதாம்; ஆனால் மைதிலியோ மூணு மாச கர்ப்பம். செயற்கை முறை கருத்தரிப்பாம். யாரோ முகம் தெரியாத பணக்கார தம்பதியோட வாரிசுக்கு இவள் வாடகைத் தாயாம். அவங்களுக்கும் இவள் யார், என்ன விபரம் என்று எதுவும் தெரியாதாம்.
மகப்பேறு மருத்துவர் ஒருவர் 'மீடியேட்" செய்ய, நம்ம காலனியில் அரங்கேறி இருக்கிறது இந்த புது விசேஷம். காலனிக்கே திருஷ்டி பட்டார்போல ஆகிடுச்சு இந்த விஷயம். ஏதோ பணக்கஷ்டம், பூர்விக வீட்டை ஜப்தியில் இருந்து மீட்கணும்னு தானே வாசு அங்கே போய் உழைச்சு உருகறான்? இவளுக்கு ஏன் இந்த வேண்டாத வேலை? போதாததற்கு இவளோட மாமியார் வேற இந்த புண்யவதியை தங்கத் தட்டில் தாங்காத
குறையா தாங்கறார்!
எதை வேணும்னாலும் இரவல் தரலாம்; ஒரு குடும்பப் பெண் தன் கருவறையை வாடகைக்கு தரலாமா? கலி முத்திப் போச்சு. வேறென்ன சொல்ல?" என்று பெருமூச்சுடன் முடித்துக்கொண்டாள் அலமு.

மழையடித்து ஓய்ந்தது போல் நிசப்தம் ஒன்று நிலவ, மகள் சுபத்ராவின் நினைவுகளில் மூழ்கிப் போனால் சிவகாமி. 
திருமணத்திற்கு பின் அமெரிக்காவில் வாழச் சென்ற மகளின் கருப்பைக்கு ஒரு குழந்தையை தாங்குமளவு வலுவில்லை எனத் தெரிந்ததும் மாப்பிள்ளை அஸ்வினின் யோசனைப்படி சென்னை வந்து டாக்டர் மரகதத்தை பார்த்ததும், அவர் மூலம் முகம் கூட தெரியாத ஒரு புண்யவதியின் வயிற்றில் இவர்களது குலவித்து சூல்கொண்டு வளர்ந்ததும், அந்த முருகப்பெருமானே வந்து பிறந்ததாக எண்ணி பேரன்
கார்த்திக்கை இன்று வீடே கொண்டாடுவதுமாக நிகழ்வுகள் சில நொடிகளில் நிழல்களாக ஓடின.

நிலவிய மௌனத்தை கலைத்து பேசலானாள் சிவகாமி.
"ரொம்ப ஈஸியா அந்த பெண்ணை 'திருஷ்டி'ன்னு சொல்லிட்டே அலமு. ஆனால் ஒரு பெண் இது போன்ற விஷயத்திற்கு இசைவது அவ்வளவு சுலபம் இல்லை. 

பிரசவம்ங்கறது ஒவ்வொரு பெண்ணுக்கும் மறுபிறவின்னு சொல்றோமே, அதை பிரத்யேகமா தன் வம்ச விருத்திக்கு மட்டுமே ஒதுக்காமல், மனமுவந்து யார் வம்சக் கொடியையோ தாங்கிப் பிடித்திருக்கும் அந்த பெண், அந்த சிசுவோட தாய் தகப்பனை பொறுத்தவரையில் அவங்களை வாழ வைக்க வந்த குலதெய்வம்.

ரத்னச் சுருக்கமா சொல்லணும்னா, மாற்றான் வம்ச வித்தை தாங்கி காத்து தரும் அந்த மைதிலி, என்னை பொறுத்தவரையில் 
சாக்ஷாத் அந்த திருக்கருகாவூர் கர்ப்பரக்ஷாம்பிகையோட அம்சமே தான்." மளமளவென்று பேசிவிட்டு கையூன்றி எழுந்து கொண்டாள் சிவகாமி.

அதற்கென்றே காத்திருந்தாற்போல் ஆலயமணி கணீரென்று மும்முறை ஒலித்து அவளது வார்த்தைகளை ஆமோதித்தது.

Monday, May 16, 2011

அழகர்சாமியின் குதிரை

நம்ம தேனி மாவட்டத்து மல்லையாபுரத்தில் 3 வருஷமா ஊருக்கு தெய்வமான அழகருக்கு திருவிழா எடுக்காம போனதால மழை இல்லாம ஊரே பஞ்சத்தில் தவிக்க, உள்ளூர் கோடங்கி மேல வந்து இறங்குன அழகர் உத்தரவுப்படி ரொம்ப சிறப்பா திருவிழாவை நடத்த ஊர் கூடி முடிவெடுக்குது...
இந்த நேரத்துல அழகரோட குதிரை காணாத போனா என்ன ஆகும்?

அழகர்சாமியின் குதிரை...

மதுரை, தேனி போன்ற தென்மாவட்டங்களை சேர்ந்த கதை என்றாலே கத்தி, குத்து,  பழி, துரோகம் என்று பரவலாக 'வெள்ளைமனசுக்காரப் பயலுக' ஊருக்கு கங்கணம் கட்டி கொண்டு ரத்தச் சிவப்பில் வண்ணம் அடித்து வந்த அண்மைக்கால தமிழ் சினிமாவின் மனோபாவத்தை 'வெள்ளாவியில வச்சு' வெளுத்து வாங்குகிறது சுசீந்திரன் இயக்கித் தந்த பாஸ்கர் சக்தியின் கதையாலாகிய இந்த படம்.

ஊரு ஒரு வழியில போனா தான் வேற வழியில போற இளந்தாரிப் பயலுக,  தோள்பட்டை வரை நீண்டு தொங்கும் தண்டட்டி அணிந்த கிழவி, கிடைக்குற gapல எல்லாம் கடா விருந்து காணும் ஊர் மைனர், சமயம் பார்த்து ஊர்பயலுக காதில பூ சுத்தும் உள்ளூர் கோடங்கி, ஏழு வயசுலேயே எட்டு ஊருக்கு நீளும் வாயும் வாலும் வெச்சிகிட்டு சுத்தும் ஆழாக்கு அளவு சின்ன பயலுக பட்டாளம்.... ஊருடைய உயிர்நாடியை பிசகாமல் வலக்கரம் கொண்டு மேடையில் ஏற்றி அழகு பார்க்கிறது படம்.

திருவிழாவிற்கு கொடை வசூலிக்க வரும் ஊர் பெரியவர்களிடம், வீட்டுத்திண்ணையில் புத்தகம் வாசிப்பது போல் ஜாடை-மாடையாக  
"மாமனா மச்சானா? உனக்கேன் கொடுக்க வேண்டும் வரி?" என்று கேட்கும் தொனியில் "கிளம்பு கிளம்பு" என்று சிக்னல் கொடுக்கும் சிறுவனில் மிளிர்கிறது, நம்ம ஊரு நாசூக்கு.

குதிரையை காணோம் என்று போலீஸ் ஸ்டேஷனில் உள்ளூர் பகையாளி முதல் வடநாட்டு அயல்நாட்டு ஆசாமி வரை அனைவருக்கும் பொறி வைப்பது வெள்ளந்தி காமெடி.
மரக்குதிரை போய் நிஜக்குதிரையே வந்ததும், அழகரின் வாகனம் இது தான் என்று ஊரை நம்ப வைக்கும் Duplicate மலையாள மந்திரவாதி , side gapல மரத்துக்கடியில மடம் தொறந்து ஊர் மக்கள் கால்நடைய திருநீறு கொடுத்தே வளைச்சு போடுகையில் சக்கை போடுகிறார்!

போலிச் சாமியாரின் அமோக வசூலைக் கண்டு "நானும் உங்க departmentல சேர்ந்துக்கறேனே சாமி" எனும் இடத்திலும்,  திருமணத் தடை நீக்க வேண்டும் பெண்ணிடமும் அவளின் அம்மாவிடமும் 'அர்த்த சாம' பூஜைக்காக பூ, பழம், ஊதுபத்தி, ஜாங்கிரி என பட்டியல் போடும் இடத்திலும் ரகளை பண்ணுகிறார் படத்தில் சந்திரன் பாத்திரத்தில் வரும் "வெண்ணிலா கபடி குழு- பரோட்டா புகழ்" சூரி!

காவித்துணி+மாலை சகிதம் உள்ளூர் 'ராசாத்திகளை' கணக்கு பண்ணும் மைனர், குதிரை குளம்படியில் 'வானம் பார்த்த பூமி' ஆகும் இடம் "அரசன் அன்று கொல்வான், குதிரை நின்று கொள்ளும்" என்கிற புதுமொழிக்கு புதுவழி!

அது சரி, அழகர்சாமியின் குதிரையை பொறுத்தமட்டில், யாருக்கு ராஜபாட்டையில் சவாரி?

காணாமல் போன தன் குதிரை தனக்கு மீண்டு கிடைக்கும் தருவாயில் ஊர் பூண்ட திருவிழாக் களையை களைய மனமில்லாது விட்டு கொடுக்கும் குதிரைக்காரன் அழகர்சாமியா?
திருடனே ஆனாலும் ஊரே வசைந்தாலும் அவன் பசிக்கும்  சோறு போடும் விதவை அக்காவா?
விரும்பியவளையே சாதித் தடை தாண்டி சொன்னபடி மணந்து, "என் படிப்பு போதும் சார்..இவளை நான் காப்பாத்துவேன்" என்று யதார்த்தமான காதல் சொல்லும் ராமகிருஷ்ணனா? 
மனது கேட்காமல் தான் களவாடிய பொருளை தானே திருப்பி வைக்கும் சமயம் அகப்பட்டு "அய்யா நீங்களா இப்படி செஞ்சீங்க?" எனும்போது சிறுபிள்ளையாய் கலங்கும் ஊர் ஆசாரியா?
உடையவன் உயிருக்கு ஆபத்து என்று தெரிந்ததும் ஊழிகூத்தாடும் வெள்ளைப் புரவியா?
"சாதி விட்டு சாதி கல்யாணம் பண்ணினா அந்த சாமிக்கே அடுக்காது...இனி இந்த ஊரில் மழையே பெய்யாது" என்று சொல்லி முடிப்பதற்குள் வானத்தை திறந்து மழையால் பூமி நனைக்கும் ஊர் தெய்வமாகிய அழர்கர்சாமியா?

எல்லாவற்றிற்கும் மேலாக ஓசைகளும் மௌனமும் கலந்து உயிர்விசையை மீட்டு எழுப்பும் தாயின் ஸ்பரிசம் போன்ற இளையராஜாவின் இசையா? 

யார் இவர்களில் இந்தப் படத்தின் Hero? 
இந்த கேள்வியில் அடங்கி இருக்கிறது "அழகர்சாமியின் குதிரை" படத்துடைய ஆர்ப்பரிப்பில்லாத வெற்றி.

இது யாரையும் impress செய்ய எடுக்கப்பட்ட படம் அல்ல. ஒரு சமுதாயத்தின் யதார்த்தங்களை வேருக்கு பங்கமின்றி உலக அரங்கில் நட்டு வைத்த ஆலமரத்தின் இளங்கன்று.

"கோ", "எங்கேயும் காதல்" போன்ற படங்கள் City Centerலயும் Express Avenueவிலும் Pizza burger கடிச்சிட்டு City figureகளை ரசித்துக் கொண்டே Politics, Movies என்று அளவளாவும்வகையறா...அது ஒரு taste...

"அழகர்சாமியின் குதிரை" பொழுது சாய்ஞ்ச பிறகு தாவணி தேவதைகள் நடமாடும் கடைத்தெருவின் கோடியில், கரகர ரேடியோவில் 80'களில் வந்த இளையராஜா பாட்டை கேட்டுக்கிட்டே தென்னமர காத்து வீச, டிபன் சென்டரில் சுடச் சுட,   பசி தீர பரோட்டா சாப்பிடும் வகை....

அழகர்சாமியின் குதிரை- சுவை தெரிஞ்சவனுக்கு தேன்மிட்டாயாக சாப்பிட்டு முடித்து நெடுநேரம் ஆன பின்னும் சப்பு கொட்ட வைக்கும்!

Thursday, May 12, 2011

*பூக்களின் பறையொலி*

கண்ணாடி திரையினூடே
தகிக்கும் எம் ஒளிபிம்பங்கள்
கண்டே மெய்மறந்து நின்றீர்.

பிரபஞ்சங்களின் சக்தி
எம்முள் ஓயாது ஓங்கி விழுந்து கொண்டிருந்தன.

உரையாட விரும்பிய போதும்
எம் நிழலோடும் ஒளிரும் சுடரொளி
உம்மை திகைப்பில் ஆழ்த்தி
மௌனத்தில் மூழ்க பண்ணிற்று.

நெருங்கிய போதும்
விலகி நின்றீர் 

உமது மனவிசை
எமை திருப்பியதால்
கண்கள் திருப்பினோம் 
நீவிர் நின்ற திசையில்.

தயக்கத்துடன் உமது விரல்கள் நீண்டன.
குறிப்பறிந்து யாம் அருகில் வருகையில்
எமது பிரம்மாண்டம் உம்மை வீழ்த்தி போட்டது.

நிலை உணர்ந்த யாம்
எமது நிலையினின்று இறங்கி
உமக்கு சாத்தியப்படும் படியாக
மாற்று நிலை அடைந்தோம்.

எமது விரல்கள் 
இப்பொழுது உமது கரங்களில்.

என்றாலும் நினைவில் கொள்க
எமது பூர்வ நிலையை.

எம் மௌனத்தை
பலவீனம் என்று எண்ண விழையாதீர்.

அண்டங்கள் அசைந்திடும்
பேரிரைச்சல்களின் நடுவே 
மௌனமாய் மிளிர்வதே 
எமது ஆளுமைக்கு அடையாளம்.

எமது மென்மை போர்த்திய
மனதின் அடியில்
உறங்குகிறது ஓர் பேராழி.

இது உமது கரங்களில்
தவழும் பூக்கள் தான்.
நினைவில் கொள்வீர்
இந்த பூக்கள் வணங்குதற்குரியதென.

நீவிர் அகிம்சை துறக்கும்
அந்த ஒரு கணத்தில் வெடித்து கிளம்பும்
அக்கினிச் சாரல் தெறிக்கும்
பேராற்றல் ஒளி.

விரல்கள் பற்றிக் கொள்க
உமது நகங்களை களைந்த பின்னே.

Wednesday, March 2, 2011

எந்நாட்டவர்க்கும் ....

சுடலைக் காட்டு பித்தன் அவன்
வெண்ணீறு பூசிச்
சாத்திரங் காட்டி ஆடுகிறான்.
நாடு பரவி 
காடும் கண்டாடும் 
சிற்சபை ஆடிய பாதங்கள் பரப்புது
தீம் தீம் திமி எனும்
தீரா ரீங்காரவொலி.

ஓரிரவு இடுகாட்டில்
ஆடின ஆட்டங் கண்டு
வீழ்ந்த மனமது தேடும் சுவடுகள்...
சாம்பல் மணம்
தலைநீர் பொழிய
கிடை ஏறு முத்தன்
அவனை கண்ட விழி
வேறேதும் கண்கொளுமோ?
ஒருபொழுதும் அவன் நினைவறுமோ?

நாடிதொடும் ஜீவப்புனல்
வெண்ணீற்று புகைதனிலே...
நாடி வரும் நினைவில் அவன்
பிறைநுதலோ பிறைநகையோ 
தேடி அலையும் அந்த ஒரு ஆதாரப்  பொழுதினிலே
நீறு தந்து புனல்வழிய
மோன ஸ்வரமென
இனங்காட்டி நடம்புரியும் வேளின் 
சிகையினின்று  வீழ்ந்த கொன்றை இதழ் 
சூடி மனம் இங்கு
வேட்கை பருகிப் பிழைக்குதம்மா!

Search This Blog